أفتتحت إمبارح الجمعة فعاليات الدورة الـ13 لمهرجان مراكش السينمائي
الدولي بحضور الوفد المصري المكون من الفنانة يسرا وإيناس الدغيدي وعزت
العلايلي وعادل إمام اللي فاجئ الحاضرين برقصة لطيفة لحظة مروره على
السجادة الحمرا لدخول قصر المؤتمرات بمراكش.
وعدوى الرقص أصابت الممثلة الأمريكية شارون ستون كمان اللي فاجئت الحضور
برقصها على المسرح لحظة طلوعها على المسرح عشان تستلم جايزة تكريمها عن
أعمالها واللي إستلمتها من المخرج مارتن سكورسيزي رئيس لجنة التحكيم وقالت
وهي بتستلم الهدية أن مكالمة واحدة من سكورسيزي كفاية عشان تركب الطيارة من
الهند وتروح المغرب اللي بيحتفظ بسلامه رغم الظروف الصعبة اللي بتمر بيها
باقي البلادالإسلامية"
وبدوره إتكلم الزعيم عادل إمام وقال إنها المرة الأولى اللي بيحضر فيها
مهرجان مراكش رغم إنه زار المغرب أكتر من مرة، البلد الجميل وشعبه الطيب،
ودعا بان ربنا يحفظهم من كل شر"
