قبل جوازي بفتره كده
كانت الستات المتزوجات كل واحده بتقولي نصيحه على معلومه
على تحذير............الخ
كان فيهم واحده ربنا يسعدها ويباركلها في بناتها
كنت بحس فيه هدوء في حياتها
انا ده ادق وصف ممكن اوصف بيه احساسي لما كنت بدخل بيتها
هدوء في تعاملها مع جوزها مع اولادها
مش حكايه طباع انا اقصد الجو العام للبيت
بسم الله ماشاء الله
الرحمن في قلب الحاسد
قالتلي انا هقولك على دعاء تداومي عليه
وصدقيني هيفرق معاكي في علاقتك بجوزك
المهم انا في اول جوازي مكنتش حاطه الموضوع في دماغي واقوله مره وعشره لا
وكانت الحياة مش ورديه زي مكنت متخيله بأه
المهم بدأت اواظب على الدعاء ده
ووالله فرق معايا
انا مش بشوقكم الكلام خدني
الدعاء نصه زي ماقالتهولي
(اللهم سخر لي زوجي وسخرني له واجعلني اجمل امرأة في عين زوجي واحب امرأة الي قلبه واجعله اجمل رجل في عيني واحب رجل الى قلبي)
انا بدعيه طول الوقت في سجودي لما يبتسملي لما نضحك سوا لما يعاكسني كده ولا يغازلني في العطلات والمناسبات الرسميه
او لما...............احم احم
وموقنه بالاجابه
انا مش بقول انه مش هتحصل معجزه ومش هنتخانق مع بعض ابدا
بس لما تحسي انه بيحبك ولما يتنرفز عليكي ولا يزعلك يحاول يرضيكي هوه صحيح مش مباشر بس على الاقل
ميسبكيش تتفلقي ولا لما يقول كلام في لمه ويضايقك ويقعد يبصلك وتشوفي في عنيه نظره استجداء وكأنه بيقولك الله يخليكي متزعليش
علي فكره انا جوزي شرير
هههههههههههههه
مش خوف من الحسد والله
هوه مصنف نفسه كده حتى
بس انا بحسه مع الناس حاجه ومعايا حاجه تانيه
اطيب ارق الطف
وارجع ااقول احنا مش في الجنه
اكيد بنتخانق وبنزعل بعض وبنتخاصم
واكيد حالي حال كل الستات بجري واصالحه كنت غلطانه او مش غلطانه
بس كفايه النظره اللي قلتلكم عليها دي
الراجل بيكبر على انه يصالح او يعتذر بشكل مباشر
بس بيلف ويدور
معلش خلها عليكي
ابتغاء مرضاة الله في طاعه زوجك
